Duterte Cabinet wants to follow Prime Minister Trudeau


Nais tularan ni incoming president Rodrigo Duterte ang Gabinete ni Prime Minister Justin Trudeau ng Canada, at aniya'y dapat maging "well-represented" at "balanced."

Inspirasyon umano si Duterte kung paano binuo ni Trudeau ang kayang Gabinete.

“Ideally we wanted to follow Prime Minister Trudeau’s Cabinet ... We are looking forward to a balanced Cabinet,” pahayag ng tagapagsalita ni Duterte na si Peter Laviña nitong Biyernes sa isang pulong-balitaan sa Davao City.

Ayon kay Laviña, gusto ni Duterte na buuhin ng kanyang Gabinete ng mga kinatawan mula sa ilang mga sektor, tulad ng sa kababaihan, at indigenous people.

“He wanted young people. We are also sensitive on gender issues, so hopefully maraming babae,” dagdag ni Laviña.

Kinikilala rin umano ng papasok na bagong pangulo ang suporta mula sa hanay ng mga lesbian, gay, bisexual at transgender.

“We would like to acknowledge the LGBT community who expressed support for the next administration," dagdag niya.

Nauna nang inihayag ni Senator Pia Cayetano, isang kilalang women's rights advocate, na tutulong siya sa paggabay sa transition committee sa pagrekomenda at pagpili ng mga lider-kababaihan na itatalaga sa ilang mga posisyon sa pamahalaan.

Sinabi ni Senator Pia, kapatid ng katambal ni Duterte na si Alan Peter Cayetano, na sinusuportahan ng bagong halal na pangulo ang isyu ng mga kababaihan.

Ngunit, sa panahon ng pangangampanya, bintikos si Duterte ng ilang grupo ng kababaihan dahil sa kanyang mga biro na binansagan nilang "anti-women," kabilang na ang "rape joke" na umani rin ng puna mula sa ilang mga sektor, pati na rin mula sa dalawang ambassador.

Humingi si Duterte ng paumanhin sa kanyang pagbiro at iginiit niya na siya rin ay tagasuporta at tagataguyod ng women’s welfare sa Davao City.







Source: gmanetwork.com

No comments

Template images by Jason Morrow. Powered by Blogger.